येवला तालुक्यातील जलसंधारणाच्या कामांसाठी १० कोटी २७ लाखांच्या १२ गेटेड सिमेंट कॉंक्रीट बंधाऱ्यांना मंजुरी
सिंचन क्षमतेत होणार अधिक वाढ
येवला (प्रतिनिधी) : राज्याचे अन्न, नागरी पुरवठा व ग्राहक संरक्षण मंत्री ना.छगन भुजबळ यांच्या प्रयत्नातून येवला तालुक्यातील सिंचनाच्या १० कोटी २७ लाख रुपयांच्या १२ गेटेड सिमेंट कॉंक्रीट बंधाऱ्यांच्या कामांना मंजुरी मिळाली आहे. त्यामुळे येवला तालुक्यातील या १२ गेटेड सिमेंट कॉंक्रीट बंधाऱ्यांच्या कामाची लवकरच सुरुवात होऊन येवला तालुक्याच्या सिंचन क्षमतेत वाढ होणार आहे.
महाराष्ट्र जलसंधारण महामंडळाच्या माध्यमातून येवला तालुक्यातील शून्य ते शंभर हेक्टर सिंचन क्षमतेच्या एकूण १२ गेटेड सिमेंट कॉंक्रीट बंधाऱ्यासाठी एकूण १० कोटी २७ लाख रुपयांचा निधी मंजूर करण्यात आला आहे. यामध्ये येवला तालुक्यातील सोमठाण जोश १३ गेटेड सिमेंट कॉंक्रीट बंधाऱ्यासाठी ६९ लाख ७ हजार रुपये मंजूर करण्यात आले आहे. तसेच सोमठाण जोश क्र.१४ गेटेड सिमेंट कॉंक्रीट बंधाऱ्यासाठी ६८ लाख २० हजार, ममदापूर क्र.१६ गेटेड सिमेंट कॉंक्रीट बंधाऱ्यासाठी १ कोटी १९ लाख ८४ हजार, देवदरी क्र.४ गेटेड सिमेंट कॉंक्रीट बंधाऱ्यासाठी ७७ लाख २८ हजार, देवदरी क्र.५ गेटेड सिमेंट कॉंक्रीट बंधाऱ्यासाठी ८४ लाख २८ हजार निधी मंजूर करण्यात आला आहे.
त्याचबरोबर देवदरी क्र. ६ गेटेड सिमेंट कॉंक्रीट बंधाऱ्यासाठी ७७ लाख ३७ हजार, सोमठाण जोश क्र.१० गेटेड सिमेंट कॉंक्रीट बंधाऱ्यासाठी ६८ लाख ४८ हजार, सोमठाण जोश क्र.११ गेटेड सिमेंट कॉंक्रीट बंधाऱ्यासाठी ७७ लाख ८१ हजार, रहाडी क्र.१३ गेटेड सिमेंट कॉंक्रीट बंधाऱ्यासाठी १ कोटी १ लाख ६८ हजार, रहाडी क्र.१४ गेटेड सिमेंट कॉंक्रीट बंधाऱ्यासाठी १ कोटी ११ लाख ६९ हजार, चांदगाव क्र.३ गेटेड सिमेंट कॉंक्रीट बंधाऱ्यासाठी ७६ लाख ४८ हजार, चांदगाव क्र.४ गेटेड सिमेंट कॉंक्रीट बंधाऱ्यासाठी ९६ लाख १५ हजार इतका निधी मंजूर करण्यात आला आहे. या जलसंधारणाच्या विकासकामांमुळे येवला तालुक्यातील सिंचन क्षेत्रात अधिक वाढ होणार आहे. त्यामुळे शेतकऱ्यांना मोठा अधिक फायदा होणार आहे.
