चौथ्या दिवशी नाशिक, दिंडोरी मतदारसंघात एकूण 30 अर्ज दाखल

नाशिक (जिमाका वृत्तसेवा) : लोकसभा सार्वत्रिक निवडणूक 2024 करिता नाशिक जिल्ह्यात नामनिर्देशनपत्र सादर करण्याच्या शासकीय कामकाजाच्या चौथ्या दिवशी गुरूवार, दि. 2 मे 2024 रोजी २० दिंडोरी लोकसभा मतदार संघासाठी 13 व २१ नाशिक मतदार संघासाठी 17 अशी एकूण 30 नामनिर्देशनपत्रे दाखल झाली.

निवडणूक निर्णय अधिकारी तथा अपर जिल्हाधिकारी बाबासाहेब पारधे यांच्या दालनात २० दिंडोरी लोकसभा मतदार संघातून शिवाजी धर्मा बर्डे (भारत आदिवासी पार्टी), यांनी 1 नामनिर्देशनपत्र, भास्कर मुरलीधर भगरे (नॅशनलिस्ट काँग्रेस पार्टी शरदचंद्र पवार) यांनी 3 नामनिर्देशन पत्रे, पल्लवी भास्कर भगरे (नॅशनलिस्ट काँग्रेस पार्टी शरदचंद्र पवार) यांनी 2 नामनिर्देशन पत्रे, बाबू सदु भगरे (अपक्ष) यांनी 1 नामनिर्देशनपत्र, हरिश्चंद्र देवराम चव्हाण (अपक्ष) यांनी 2 नामनिर्देशन पत्रे, भारती प्रविण पवार (भारतीय जनता पक्ष) यांनी 3 नामनिर्देशन पत्रे, तर भारत अरुण पवार (बहुजन रिपब्लिकन सोशलिस्ट पार्टी) यांनी 1 नामनिर्देशनपत्र अशी एकूण 7 उमेदवारांनी 13 नामनिर्देशनपत्रे सादर केले, अशी माहिती निवडणूक निर्णय अधिकारी बाबासाहेब पारधे यांनी दिली.

तर जिल्हाधिकारी तथा निवडणूक निर्णय अधिकारी जलज शर्मा यांच्या दालनात २१ नाशिक लोकसभा मतदार संघातून जयश्री महेंद्र पाटील (सैनिक समाज पार्टी), कैलास मारुती चव्हाण (आम जनता पार्टी (इंडिया) आणि कांतीलाल किसन जाधव (आंबेडकरराईट पार्टी ऑफ इंडिया) यांनी प्रत्येकी 1, निवृत्ती विठोबा अरिंगळे (राष्ट्रवादी काँग्रेस पक्ष) आणि (अपक्ष) अशी 2 नामनिर्देशनपत्रे, दर्शना अमोल मेढे (प्रबुध्द रिपब्लिकन पार्टी), करण पंढरीनाथ गायकर (वंचित बहुजन आघाडी), आव्हाड झुंजार म्हसूनी (बहुजन रिपब्लिकन सोशालिस्ट पार्टी) आणि प्रकाश गिरधारी कनोजे (अपक्ष) यांनी प्रत्येकी 1 नामनिर्देशनपत्र, हेमंत तुकाराम गोडसे (शिवसेना) यांनी 4 नामनिर्देशनपत्रे, भक्ती अजिंक्य गोडसे (शिवसेना) यांनी 1 नामनिर्देशनपत्र, जितेंद्र नरेश भाभे (अपक्ष), धनाजी अशोक टोपले (अपक्ष) आणि सुधीर श्रीधर देशमुख (अपक्ष) यांनी प्रत्येकी एक नामनिर्देशनपत्र सादर केले. 21 नाशिक लोकसभा मतदारसंघातून 13 उमेदवारांनी 17 नामनिर्देशनपत्रे दाखल केली. अशी माहिती निवडणूक निर्णय अधिकारी जलज शर्मा यांनी दिली.

0 0 9 8 4 4