दुसऱ्या दिवशी दिंडोरी, नाशिक मतदारसंघात एकूण ७ अर्ज दाखल

नाशिक (जिमाका वृत्तसेवा) : लोकसभा सार्वत्रिक निवडणूक 2024 करिता नाशिक जिल्ह्यात नामनिर्देशनपत्र सादर करण्याच्या शासकीय कामकाजाच्या दुसऱ्या दिवशी (सोमवार दि. 29 एप्रिल) २० दिंडोरी लोकसभा मतदारसंघासाठी 1 व २१ नाशिक मतदार संघासाठी 6 असे एकूण 7 नामनिर्देशनपत्रे दाखल झाली.

२० दिंडोरी लोकसभा मतदार संघाचे निवडणूक निर्णय अधिकारी तथा अपर जिल्हाधिकारी बाबासाहेब पारधे यांच्या दालनात भास्कर मुरलीधर भगरे (राष्ट्रवादी काँग्रेस पक्ष (शरदचंद्र पवार)) यांनी लोकसभा निवडणुकीसाठी 20 दिंडोरी मतदारसंघातून नामनिर्देशनपत्र सादर केले. निवडणूक निर्णय अधिकारी बाबासाहेब पारधे यांनी ही माहिती दिली.

तर २१ नाशिक लोकसभा मतदार संघातून जिल्हाधिकारी तथा निवडणूक निर्णय अधिकारी जलज शर्मा यांच्या दालनात पराग प्रकाश वाजे (शिवसेना (उद्धव बाळासाहेब ठाकरे)) यांनी 2 नामनिर्देशन पत्रे, जयश्री महेंद्र पाटील (सैनिक समाज पार्टी), शांतीगिरीजी मौनगिरीजी महाराज (शिवसेना), देवीदास पिराजी सरकटे (अपक्ष) व (वंचित बहुजन आघाडी) यांनी 2 नामनिर्देशनपत्रे दाखल केली. निवडणूक निर्णय अधिकारी जलज शर्मा यांनी ही माहिती दिली.

0 0 9 8 4 4